اردو یونیورسٹی میں نیشنل نیٹ ورک سیکوریٹی چیمپین شپ اور ورکشاپ آج سے

حیدرآباد، 20؍ فروری (پریس نوٹ) مولانا آزاد نیشنل اردو یونیورسٹی، پالی ٹیکنیک، حیدرآباد میں نیٹ ورک بلس اور ای سیل، آئی آئی ٹی بمبئی کی جانب سے نیشنل نیٹ ورک سیکوریٹی چیمپین شپ کم ورک شاپ کا 21 اور 22؍ فروری 2015ء کو 9 بجے صبح تا 6 بجے شام انعقاد عمل میں آرہا ہے۔ ڈاکٹر محمد یوسف خان، پرنسپال پالی ٹیکنیک کے بموجب اس ورک شاپ کے تین مرحلے ہیں جس کا آخری مرحلہ آئی آئی ٹی بمبئی میں منعقد ہوگا۔ فائنل میں کامیابی حاصل کرنے والے کو نیشنل نیٹ ورک سیکوریٹی چیمپین کا ٹائٹل حاصل ہوگااور ای سیل، آئی آئی ٹی بمبئی کی جانب سے انعام دیا جائے گا۔ نیٹ ورک بلس اور ای سیل ، آئی آئی ٹی بمبئی کی جانب سے ایک صداقت نامۂ امتیاز بھی دیا



جائے گا۔ دوسرے نمبر پر آنے والے کو نیٹ ورک بلس کیمپس میں سیسکو نیٹ ورکنگ کی مفت تربیت دی جائے گی۔ نیٹ ورک بلس ٹیکنالوجیز پرائیویٹ لمیٹڈ (نیٹ ورک ڈیزائننگ اینڈ کنسلٹنٹس) میں انٹرنشپ کا موقع بھی دیا جائے گا جہاں مختلف بڑی کمپنیوں کے جاریہ پراجیکٹس پر کام کرنے کا موقع ملے گا۔ جیتنے والوں میں 1,00,000 روپئے مالیت کے انعامات جس میں لیپ ٹاپس، ٹیبلیٹس وغیرہ تقسیم کیے جائیں گے۔ این این ایس سی 2015 (ای سیل، آئی آئی ٹی بمبئی اور نیٹ ورک بلس، گڑگاؤں) کی جانب سے حصہ لینے والوں میں صداقت نامۂ شرکت بھی تقسیم کیے جائیں گے۔ مزید تفصیلات جناب محمد فصیح الدین، اسسٹنٹ پروفیسر سے 9703131787 یا جناب سید عرفات احمد 7396297801 سے حاصل کیے جاسکتے ہیں۔